Orioko gure bulegora itsasoa sartzen da. Halaxe pasatzen dugu urtea; gaur ekaitz, bihar bare; gaur gora, bihar behera; inoiz txiki, inoiz hazita. Olatuak bezala sartzen zaizkigu proiektuak atetik, eta arraunean harrapatzen gaituzte. Egon hadi lo eta jango duk mehe! Hamalau gara Kultur Atelier ontzian; gazteak esperientzia handiko talde batean. 2002 urtetik hona, zenbat branding saio? Zenbat marka eder? Taldean ekitaldi ahaztezinak antolatu, gogoan geratu zaizkigun diseinuak, irudiak, prentsa gabineteak eta online euskarriak...
Parean tokatzen garenean jasoko ditugu arraunak elkarrekin!